MSRTC Bharti - महाराष्ट्र राज्य मार्ग परिवहन महामंडळ भरती

ST Mahamandal Bharti 2026 : महाराष्ट्र राज्य मार्ग परिवहन महामंडळात १७,७४२ चालक-वाहक कंत्राटी पदांची मोठी भरती

महाराष्ट्र राज्य मार्ग परिवहन महामंडळात १७ हजार ७४२ चालक व वाहक पदांसाठी कंत्राटी पद्धतीने भरती करण्यात येणार असल्याची माहिती राज्याचे परिवहन मंत्री प्रताप सरनाईक यांनी दिली. ही भरती एसटी महामंडळाच्या ताफ्यात दाखल होणाऱ्या ८ हजार ३०० नव्या बसेससाठी करण्यात येणार आहे. नव्या बसेसची खरेदी केल्यानंतर त्या चालवण्यासाठी आणि चालक व वाचकांची गरज आहे. त्यामुळे तातडीने कंत्राटी भरती करण्याचा निर्णय घेण्यात आला आहे.
विधिमंडळात विचारलेल्या प्रश्नाला उत्तर देताना मंत्री प्रताप सरनाईक यांनी सांगितले की, एसटी महामंडळात सध्या चालक व वाहकांच्या पदांवर मोठ्या प्रमाणात रिक्त जागा आहेत. त्यामुळे प्रवासी सेवा सुरळीत ठेवण्यासाठी आणि ग्रामीण भागातील वाहतूक व्यवस्था मजबूत करण्यासाठी ही भरती आवश्यक आहे. त्यासाठी चालक आणि वाहकांच्या भरतीचा प्रस्ताव शासनाच्या वित्त विभागाकडे पाठविण्यात आला असून मंजुरी मिळाल्यानंतर भरती प्रक्रिया सुरू केली जाईल, असे त्यांनी सांगितले. भविष्यात नियमित भरती प्रक्रियेत कंत्राटी कर्मचाऱ्यांच्या अनुभवाचा विचार करून त्यांना प्राधान्य देण्याचा विचार शासन करीत आहे.

१७ हजार ४५० रिक्त जागांसाठी भरती:

एसटी महामंडळाकडून कंत्राटी पद्धतीने सुमारे १७ हजार ४५० चालक, वाहक व सहाय्यकांची भरती केली जाणार आहे. या भरतीसाठी ई-निविदा प्रक्रिया राबविण्यात येणार असून ती राज्यातील ६ प्रादेशिक विभागांनुसार केली जाण्याची शक्यता आहे. प्रक्रिया पूर्ण झाल्यानंतर संबंधित संस्थांकडून एसटी महामंडळाला आवश्यक मनुष्यबळ वेळेत उपलब्ध करून दिले जाईल.

महाराष्ट्र राज्य मार्ग परिवहन महामंडळ सध्या रिक्त पदे भरण्याच्या तयारीत आहेत. यामध्ये चालक (Driver), वाहक (Conductor), आणि यांत्रिक (Mechanical) लिपिक-टंकलेखक (Clerk) सहाय्यक (Helper) बस सफाई (Bus Cleaner) या पदांचा समावेश आहे.

रिक्त पदे: चालक, वाहक, यांत्रिक, लिपिक-टंकलेखक, सहाय्यक

आवश्यक शैक्षणिक पात्रता

पद	शैक्षणिक पात्रता	इतर अटी
चालक	इयत्ता 10 वी उत्तीर्ण	अवजड वाहन चालक परवाना (Heavy License) आणि 1 वर्षाचा अनुभव.
वाहक	इयत्ता 10 वी उत्तीर्ण	वाहक परवाना / बिल्ला (Conductor License / Batch) आणि 1 वर्षाचा अनुभव.
यांत्रिक	इयत्ता १० वी उत्तीर्ण	ITI संबंधित क्षेत्रातील तांत्रिक ज्ञान.
लिपिक-टंकलेखक	पदवीधर	मराठी टायपिंग (30 wpm) आणि इंग्रजी टायपिंग (40 wpm).
सहाय्यक	इयत्ता १० वी उत्तीर्ण	-

वयोमर्यादा

खुला प्रवर्ग: 18 ते 38 वर्षे.
राखीव प्रवर्ग: 5 वर्षांपर्यंत शिथिलता (18 ते 43 वर्षे).

मासिक वेतन:

या कंत्राटी भरतीमध्ये निवड झालेल्या उमेदवारांना सुमारे ३० हजार रुपये मासिक वेतन देण्यात येणार आहे.

प्रशिक्षण:

निवड झालेल्या चालक व सहाय्यकांना एसटीकडून आवश्यक प्रशिक्षणही दिले जाणार आहे, जेणेकरून एसटी ची सेवा दर्जेदार व सुरक्षित राहील. या भरतीमुळे राज्यातील हजारो बेरोजगार तरुण-तरुणींना रोजगाराची संधी उपलब्ध होणार आहे. त्यामुळे इच्छुकांनी या संधीचा लाभ घ्यावा, असे आवाहनही परिवहन मंत्री प्रताप सरनाईक यांनी केले आहे.

कुणाला मिळणार प्राधान्य:

२०२२ च्या एसटी च्या ऐतिहासिक संपादरम्यान एसटीची सेवा निरंतर सुरु ठेवण्यासाठी ज्या कंत्राटी कर्मचाऱ्यांनी सेवा बजावली त्यांना या २०२६ च्या भरती प्रक्रियेत विशेष प्राधान्य दिले जाणार आहे. त्यांनी केलेली सेवा आणि त्यांच्या कामाच्या अनुभवाचा विचार करून त्यांना शासकीय सेवेत सामावून घेण्याकडे सरकारचा कल असल्याचे दिसून येत आहे. या भरती प्रक्रियेत सध्या कार्यरत असलेल्या कंत्राटी कर्मचाऱ्यांना प्राधान्याने संधी देण्याचा निर्णय घेतला जाणार असल्याचेही त्यांनी स्पष्ट केले.

3 वर्षांसाठी करार:

सदर भरती ही कंत्राटी पद्धतीने होणार आहे. एकूण 3 वर्षांसाठी करार करण्यात येणार आहे. कंत्राटी भरतीसाठी निवड झालेल्या तरुण-तरुणींना या 3 वर्षांत एसटी महामंडळाकडून संपूर्ण प्रशिक्षण देण्यात येणार आहे. त्यानंतर त्यांना चालक, सहाय्यक या पदावर नियुक्त केले जाणार आहे.
मंत्री प्रताप सरनाईक यांनी सांगितले की, एसटी महामंडळात सध्या चालक व वाहकांच्या पदांवर मोठ्या प्रमाणात रिक्त जागा आहेत. त्यामुळे चालक व वाचकांची कमतरता भासू लागली आहे. त्यामुळे प्रवासी वाहतूक सेवा सुरळीत ठेवण्यासाठी आणि ग्रामीण भागातील वाहतूक व्यवस्था मजबूत करण्यासाठी सदर भरती आवश्यक आहे. त्यासाठी चालक आणि वाहकांच्या भरतीचा प्रस्ताव शासनाच्या वित्त विभागाकडे पाठविण्यात आला असून मंजुरी मिळाल्यानंतर त्वरित भरती प्रक्रिया सुरू केली जाईल, असे त्यांनी सांगितले.

दरवर्षी पाच हजार नवीन बस खरेदी करण्याचा प्रस्ताव

एसटी महामंडळाची सेवा अधिक सक्षम करण्यासाठी दरवर्षी पाच हजार नवीन बस खरेदी करण्याचा प्रस्तावही सरकारकडून तयार करण्यात आला आहे. त्यापैकी तीन हजार बसांच्या खरेदीसाठी निविदा प्रक्रिया पूर्ण झाली असून टाटा मोटर्सला सुमारे २१०० बस खरेदीचा आदेश देण्यात आला असल्याची माहितीही मंत्री सरनाईक यांनी दिली.

अर्ज भरण्याची सुरुवात:

एसटी महामंडळाकडून 2 ऑक्टोबर रोजी या भरती प्रक्रियेसाठी निविदा प्रक्रिया सुरू होणार आहे. ही प्रक्रिया सहा प्रादेशिक विभागनिहाय राबवण्यात येणार आहे. त्यानंतर सविस्तर भरती प्रक्रियेची वर्तमानपत्रात जाहिरात प्रसिद्ध करण्यात येईल. तसेच आमच्या ST Mahamandal Portal वर दिले जाईल. आणि त्यानंतर इच्छुक उमेदवारांना अर्ज करता येणार आहे.

निवड प्रक्रिया

महाराष्ट्र राज्य मार्ग परिवहन मंडळात लेखी परीक्षा ही सामान्य ज्ञान, बुद्धिमत्ता, मराठी आणि इंग्रजी व्याकरण यावर आधारित असते.
चालक पदासाठी वाहन चालक चाचणी बस चालवण्याचे प्रत्यक्ष कौशल्य तपासले जाते.
कागदपत्र पडताळणी मध्ये अर्जदाराची शैक्षणिक प्रमाणपत्रे आणि वाहन चालक परवान्यांची तपासणी केली जाते तसेच निवड झालेल्या अर्जदाराची वैद्यकीय तपासणी आणि शारीरिक पात्रता तसेच दृष्टी तपासली जाते.

अर्जासोबत जोडावयाची आवश्यक कागदपत्रे

आधार कार्ड
पॅन कार्ड
इयत्ता 10 वी उत्तीर्ण किंवा इयत्ता 12 वी उत्तीर्ण किंवा पदवी गुणपत्रिका.
महाराष्ट्र राज्याचा रहिवाशी दाखला (डोमिसाईल प्रमाणपत्र)
जातीचा दाखला (आवश्यक असल्यास).
अवजड चालक परवाना (चालक पदासाठी / Heavy License) आणि बिल्ला (Badge)
बिल्ला (Badge) तसेच वाहक परवाना (वाहक (Conductor) पदासाठी)

अर्ज कोठे करावा.

ऑनलाईन अर्ज करण्याची पद्धत:

अर्ज करण्यासाठी तुम्हाला महाराष्ट्र राज्य मार्ग परिवहन महामंडळाच्या अधिकृत पोर्टल वर जावे लागेल.
अर्जात विचारलेली सर्व माहिती अचूक भरावी लागेल.
सोबत आवश्यक कागदपत्रे जोडावी लागतील.
सर्व माहिती आणि कागदपत्रे अपलोड झाल्यावर सबमिट बटनावर क्लिक करावे लागेल.
अशा प्रकारे तुमची ऑनलाईन अर्ज प्रक्रिया पूर्ण होईल.

नोट: ऑनलाईन अर्ज प्रक्रियेला सुरुवात झाल्यावर तुम्हाला अर्ज कसा करावा याची सविस्तर माहिती तुम्हाला देऊ.

ऑफलाईन अर्ज करण्याची पद्धत:

अर्जदाराला आपल्या नजीकच्या एसटी बस स्थानकात जाऊन सदर भरतीचा अर्ज घ्यावा लागेल.
अर्जात विचारलेली सर्व माहिती अचूक भरून सोबत विचारलेली कागदपत्रे जोडावी लागतील.
आणि अर्ज बस स्थानकातील अधिकाऱ्याजवळ जमा करावा.
ऑफलाईन अर्ज जमा केल्यावर तुम्हाला याची पोचपावती दिली जाईल.

नोट: अर्ज प्रक्रियेला सुरुवात झाल्यावर अर्ज कसा भरावा, अर्जात कोणती माहिती भरायची याची सविस्तर माहिती आम्ही तुम्हाला देऊ.

महाराष्ट्र राज्य मार्ग परिवहन मंडळामध्ये भरती निघाल्यास ST Mahamandal Portal वर प्रसिद्ध केले जाते. तसेच वर्तमानपत्रात जाहिरात दिली जाते.

उपयुक्त लिंक

ऑनलाईन तिकीट बुकिंग: महाराष्ट्र राज्य मार्ग परिवहन महामंडळ अधिकृत पोर्टल
एसटी बस तिकीट दर सवलत: बस दरातील सवलती येथे तपासा
तिकीट रद्द केल्यावर मिळणारा परतावा: येथे तपासा
MSRTC हेल्पलाईन क्रमांक: 1800 22 1250

रा. प. पुणे विभागाची सर्व साधारण गुणवत्ता यादी.	Read Advertisement
रा. प. पुणे विभागाची निवड यादी	Read Advertisement
रा. प. पुणे विभागाची अतिरिक्त निवड यादी	Read Advertisement
जाहीरात क्र.२/२०१९ सरळसेवा भरती वर्ग-२ ( कनिष्ठ ) अधिकारी (दि.१५.०४.२०१९ पर्यंत मुदत वाढ)	Read Advertisement
जाहीरात क्र.१/२०१९ सरळसेवा भरती अधिकारी वर्ग-१ व वर्ग-२ पदे (दि.१५.०४.२०१९ पर्यंत मुदत वाढ)	Read Advertisement
जाहीरात क्र.०२/२०१९ -सरळसेवा भरती चालक तथा वाहक	Read Advertisement
जाहीरात क्र.०१/२०१९ -सरळसेवा भरती चालक तथा वाहक (दि.१५.०२.२०१९ पर्यंत मुदत वाढ)	Read Advertisement
सरळसेवा भरती अधिकारी वर्ग-१ (दि.२९.०९.२०१८ पर्यंत मुदत वाढ)	Read Advertisement
सेवानिवृत्त वर्ग -१ दर्जाच्या अधिकाऱ्यांची करार पद्धतीने नेमणूक करण्याकरिता अर्ज मागविणेबाबत	Read Advertisement
संगणक पर्यवेक्षक पदाची परीक्षा.	Read Advertisement
दि. ०२.०७.२०१७ रोजी चालक तथा वाहक (क) पदाची लेखी परीक्षा	Read Advertisement
जाहिरात क्र. ०१/२०१७ सरळसेवा भरती पर्यवेक्षकीय पदे.	Read Advertisement
जाहिरात क्र. ०२/२०१७ सरळसेवा भरती घटकसंवर्ग पदे.	Read Advertisement
जाहिरात सरळसेवा भरती महाव्यवस्थापक पदे.	Read Advertisement
मुख्य कामगार अधिकारी हे पद करार पद्धतीने भरण्यासाठी जाहिरात.	Read Advertisement